2023

Nr. 5        England und die Royals

Es isch sicher kei Witz und oi kei Fake, es isch wirklich wahr

dr King Charles chund uf Giswil mit siner adligä Schar.

Er bsiocht dr Geiss-King Bruno i siim Palascht

chund a Umzug und bliibt nu ä Rascht.

Camilla suifft Gin und warmä Tee i dr Kutschä

dr Harry und Meghan chennid ihrä dr Buggel abrutschä.

Diä zwei verplapperid nämlich ä hufä verruckti Gschichtä

so dass Königsfamiliä nimmä mag mid ihnä prichtä.

Diä hübschi Kate und dr William kuschlid ganz intim

und gniässid äs Cheli usem Pup vom Geissä-Team.

Ihnä schmeckt ises Nationalgetränk ganz wunderbar

sie verpassid dr Londoner-Bus bim einzigä Haar.

Oi anderi Staats-Promis sind drbiä, si chemid vo ganz wiit

siigs d'Liz Truss oder dr Boris Johnson us dr Downing-Street.

Alli Geissälpler hoffid, dass es de gid kei Sex-Skandal

suscht hemmer de ds'Gschänk i iisem Geissä-Stall.

Obwohl - Nachwuchs wär ja de oi nid z'verachtä

Geissälpler hättid nämlich nu ä huifä vorigi Trachtä.

Chemid cho liogä dr Umzug uf Giswil

miär presentiärid diä Royals mit Stil.

Gniässid das Fäscht und gahnd nu lang nid heii

miär Geissälpler sägid: thank you und bye, bye!

zur Fotogalerie

zu 2024

zu 2020